बुटवल,पुस २२ । 

पूर्वराजा ज्ञानेन्द्र शाहले बुटवलको निलकण्ठ बाबा धाम तथा सन्तोषीमाता गूरुकुल विद्याश्रममा आयोजना गरिएको महायागमा दर्शन गर्नुभएको छ ।  शनिबार दिउँसो धाममा आउनु भएका उहाँलाई स्थानीयले फूलमाला दिएर स्वागत गरेका थिए । पुर्वराजा शाह सडकबाट हिड्दै  स्थानीयले दिएको फूलमाला ग्रहण गर्दै धाममा पुग्नु भएको थियो ।

उहाँलाई स्वागत गर्न पुगेका स्थानीयले राजा आउ देश बचाउ भन्दै नारा लगाएका थिए । शाहले धामको मुख्य मन्दिरमा केही समय पुजासमेत गर्नुभएको थियो । राष्ट्रकल्याणको लागि ३ महिनासम्म चल्ने महायागमा पुर्वराजाले दर्शन गर्नुभएको धामका अध्यक्ष देवमाया भट्टराईले जानकारी दिनुभयो ।

राजसंस्था र हिन्दुराष्ट्र कायम गर्नको लागि आयोजना गरिएको महायागमा पूर्वराजाको उपस्थितीले उत्साह थपिएको उहाँले बताउनु भयो । पुस १ गतेदेखि सुरु गरिएको महायागमा  शिवशक्ति, अतिरुद्री, अचुतचण्डी ३ महिनासम्म निरन्तर पाठ हुने अध्यक्ष भट्टराईले बताउनु भयो ।

यो महायाग अति नै शक्तिशाली र कठिन अनुष्ठान भएको उहाँले बताउनु भयो  । पछिल्लो समय धार्मिक पर्यटकीय स्थलको रुपमा परिचित धाममा सञ्चालन भएको तीन महिने महायाग चैत ४ गतेसम्म चल्ने प्रचारप्रसार विभागका संयोजक गणेश पौडेलले जानकारी दिनुभयो ।  धाममा १३ औ पटक हुन लागेको महायागमा १ सय २१ जना ब्राह्मणबाट ३ महिना अवधिभर नै बेदका रिचा, पुराणका उपासना मन्त्रजप गरिने छ । महायाग सफल बनाउन १९ वटा उपसमिति गठन गरिएको धामका उपाध्यक्ष रूपसिं थापाले जानकारी दिनुभयो । धाम परिसरमै रहेको गुरुकुलमा कक्षा ६ देखि १२ कक्षासम्म हाल ७५ जना छात्रहरु अध्ययन गरिरहेका छन् ।

नागरिक अनलाइन

लेखकबाट थप

• आइतवार, पौष २२ २०८००९:२३:०५

• Tags:

  # पूर्वराजा ज्ञानेन्द्र शाह # निलकण्ठ बाबाधाम

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान