बुटवल,पुस १९ ।

पूर्व राजा ज्ञानेन्द्र शाहले विगतको सबै दुःख बिर्सिएर एक सुत्रमा बाधिन आब्हान गर्नुभएको छ । शाहले आफू सदासदा आफु नेपालीका साथमा रहेको बताउनुभयो । नागरिक अभिनन्दन समारोह मूल समिति–२०८० रुपन्देहीले आज भैरहवामा आयोजना गरेको नागरिक अभिनन्दन कार्यक्रमलाई सम्बोधन गर्दै शाहले देशमै उत्पादन उद्यम, इमल सीप, शिक्षा र सभ्यताको नयाँ अध्याय खडा गर्ने बताउनुभयो ।

‘हाम्रो विचारमा यसप्रकार हामी खिइँदै जानु किमार्थ पनि राम्रो होइन ,सदाचारी राजनीतिको युग बितिसकेको छं’शाहले भन्नुभयो ।उहाँले अनेक श्रोत साधन सम्पदाले भरिपूर्ण भएको समृद्धशाली देश सुन्दर र मनोरम भए पनि यतिका सम्पदा, मूल्य मान्यता तथा सभ्यता भएर पनि आज कता कता आफैँ हराइरहेको बताउनुभयो । विगतको सबै दुःख बिर्सिन र घृणाको आगो मिलेर निभाउन उहाँको आग्रह छ ।

उहाँले अब कस्तो विधि बदल्ने वा कसरी अगाडि बढ्ने भन्दै हामी आफैंले तय गर्नुपर्ने बताउनुभयो ।देश जर्जर भएको र बेरोजगारी, शैक्षिक कमजोरीका कारण युवाहरु विदेश जानु परेको उनले उहाँको भनाइ छ । देशको माया नभएर होइन, अवस्था बिग्रिएर असन्तोष, आक्रोश तथा विवश भएर युवा जमात बाहिरिएको र यस्तो अवस्थाको अन्त्य हुनैपर्ने उहाँको धारणा छ ।शाहले अहिले चलिरहेको चलनचल्तीमा व्यापक हेरफेर र सुधार गर्नैपर्ने बताउनुभयो ।

‘आफू मात्र सही, आफू मात्र ठीक भन्न छाड्नुपर्छ‘एक ठाउँमा उभिएर अहिलेको अवस्था सुधार गर्नुपर्छ ।’ उनले देशलाई खोक्रो पार्ने आजको चलनचल्तीलाई फेर्नै पर्ने छ ।’ शाहले भन्नुभयो ।

अभिनन्दन कार्यक्रममा पूर्व राजा ज्ञानेन्द्र शाह, पूर्व रानी कोमल राज्यलक्ष्मी र परिवारसहित सहभागी हुनुभयो । नागरिक अभिनन्दन समारोह मूल आयोजक समिति भैरहवाका संयोजक डा.रामप्रसाद बस्यालले  जनताले राजालाई मुलुकको अभिभावकको रूपमा चाहेको बताउनुभयो ।

नागरिक अनलाइन

लेखकबाट थप

• बिहिवार, पौष १९ २०८००८:१३:०२

• Tags:

  # पूर्वराजा ज्ञानेन्द्र शाह

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान