बुटवल,मंसिर २९ । 

प्रतिनिधिसभाका सभामुख देवराज घिमिरेले युवामैत्री नीति ,कानुन र योजना निर्माणमा गर्नुपर्ने बताउनुभएको छ । युवाको पक्षमा कानुन बनाउन नेपालको संसद प्रतिबद्ध रहेको उल्लेख गर्दै सभामुख घिमिरेले अहिले युवाहरुमा देखिएका निरासा अन्त्य गर्नुपर्ने बताउनुभयो ।

नेपाल जेसीजको ५०औँ राष्ट्रिय महाधिवेशनको बुटवलमा उद्घाटन गर्दै सभामुख घिमिरेले  जेसिजका कतिपय अभियानहरु राष्ट्रिय राजनीतिको भन्दा पनि उत्तम रहेको उल्लेख गर्नुभयो । उहाँले जेसिजको मुल्य मान्यता अझै बढि पारिपालन गर्नुपर्ने आवश्यकता सबैमा रहेको बताउनुभयो ।

घिमिरेले जेसिजमा एक पटकमा एउटा पदमा मात्रै नेतृत्व गर्न पाउने परिपाटी अन्य संघ संस्था र राजनीतिमा पनि अनुकरणीय रहेको उल्लेख गर्नुभयो । उहाँले १८ बर्षदेखि ४० बर्ष उमेर हद लागू गरिनु आफैमा राम्रो पक्ष भएको भन्दै नेपाली राजनीतिमा ६० बर्ष उमेर काटेपछि पनि युवा नेता भन्ने परिपाटीलाई जेसिजबाट पाठ सिक्नुपर्ने बताउनुभयो ।‘राजनीतिमा जस्तो ६० काटेपछि पनि युवा नेता भन्ने यहाँ हुदैन, जुन हाम्रो पक्ष हो  ।’ उहाँको भनाइ छ ।

पछिल्लो सयमया युवाहरुको राजनीति प्रति आर्कषण बढ्दै गएको भन्दै उनले राजनीतिमा लाग्नको लागि पनि जोड दिनुभयो ।  उहाँले उच्च शिक्षाको लागि, रोजगारको लागि युवा विदेशीने परिपाटी रहेको भन्दै यस्तो परिपाटी रोक्नको लागि सबैले पहल गर्नुपर्ने बताउनुभयो ।

युवाहरुको अन्तरिनिहत प्रतिभालाई पहिचान गरी सरकारले स्वदेशमा नै युवा शक्ति  बस्न पाउने गरी  व्यवस्था गर्नुपर्ने बताउनुभयो । पछिल्लो समयमा युवा पुस्तामा देशमा नै केही गर्नुपर्दछ भन्ने अभियानको विकास भएको भन्दै उहाले यसको लागि सरकारी निकायबाट पनि युवा पुस्ता पलायन रोक्नको लागि कदम चाल्नुपर्ने धारणा राख्नुभयो ।

नेपाल जेसिजका पुर्व अध्यक्ष तथा  महाधिवेसन निर्देशक जगतबहादुर पोखरेलले जेसिजको नियमबाट अन्यले पनि पाठ सिक्न जरुरी रहेको बताउनुभयो । उहाँले बोल्नेभन्दा पनि काम गर्ने परिपाटीको बिकास हुनुपर्ने बताउनुभयो । बुटवल उपमहानरपालिका प्रमुख खेलराज पाण्डेयले बुटवलमा जेसिजको महाधिवेसनले राष्ट्रिय सन्देश दिएको बताउनुभयो । युवावर्गले देश छाड्ने नभइ राजनीतिमा आउन उहाँको आग्रह छ ।

‘सक्षम युवा सुदृढ देश : सुशासनका लागि समुन्नत परिवेश’ भन्ने नारा सहित भएको  नेपाल जेसीजको राष्ट्रिय महाधिवेशनले बुटवलबाट नयाँ सन्देश दिएको पूर्व राष्ट्रिय अध्यक्ष तथा अन्तराष्ट्रिय उपाध्यक्ष अनुपमान सैजुले बताउनुभयो  ।

सो अबसरमा नेपाल जेसिजका राष्ट्रिय अध्यक्ष बिकास मानन्धर,प्रदेश सांसद भोजप्रसाद श्रेष्ठ,बिष्णु पन्थी,पत्रकार महासंघका अध्यक्ष बिपुल पोखरेल,पत्रकार ऋषि धमला, बुटवल शाखा अध्यक्ष हरिबिक्रम कुवर,गोपाल अधिकारी,कल्पना कुसुम लगायतले बोलेका थिए ।
सो अबसरमा बुटवल शाखाको स्मारिका,नेपाल जेसिजको डिजिटल स्मारिका, १० जना उत्कृष्ट युवालाइ सम्मानपत्र, पदक तथा नगदसहित सम्मान,तथा पत्रकार ऋषि धमलालाइ उत्कृष्ट पत्रकारका रुपमा सम्मान गरिएको प्रचार संयोजक राजीब गौतमले जानकारी दिनुभयो । महाधिवेशनमा नेपाल जेसीजका १७८ शाखाबाट १ हजार २४६ प्रतिनिधि  सहभागी रहेका छन् । 

• जेसीजको उत्कृष्ट यूवाबाट गायक प्रकाश दुतराजसहित १० जना सम्मानित

नागरिक अनलाइन

लेखकबाट थप

• शुक्रवार, मंसिर २९ २०८००७:३६:५२

• Tags:

  # सभामुख देवराज घिमिरे # नेपाल जेसीजको ५०औँ राष्ट्रिय महाधिवेशन # नेपाल जेसीज # बुटवल जेसिज

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन