बुटवल,म‌सिर २९ ।

बुटवल फूलवारीमा जेसिज स्मारकसहितको पार्कको शिलान्यास गरिएको छ । मणिमुकुन्द सेन उद्दानको माथि नयाँ पार्क बन्ने भएको हो । गुरुयोजनासहित बनाइने पार्कमा आज एक समारोहका बिचमा जेसिज स्मारकको शिलान्यास गरिएको हो ।नेपाल जेसिजका राष्ट्रिय अध्यक्ष बिकास मानन्धर,पूर्व राष्ट्रिय अध्यक्षहरु अनुपमान सैँजू र जगतबहादुर पोखरेलले शिलान्यास गरे।

सो अबसरमा बोल्दै राष्ट्रिय अध्यक्ष मानन्धरले बुटवलमा एतिहासिक काम भएको उल्लेख गरे । उनले यो परियोजनालाइ जेसिजले मूर्त रुप दिने बताए ।

बुटवल जेसीज ५० औँ बर्ष प्रवेशका अवसरमा जेसिज स्मारकको शिलान्यास गरिएको पूर्व राष्ट्रिय अध्यक्ष अनुपमान सैँजूले बताए । यसलाइ फूलवारीको समितिसंग सहकार्य गरेरै गुरुयोजना बनाइने अर्का पूर्व राष्ट्रिय अध्यक्ष जगतबहादुर पोखरेलले बताए ।

मणिमुकुन्द सेन उद्दानका अध्यक्ष माधव नेपालले जेसिजले स्मरणयोग्य काम थालेकोमा धन्यबाद दिदै स्मारक र पार्कको अवधारणाले पूलबारीको थप बिकास हुने धारणा राखे । स्मारकका लागि पहिलो चरणमा १० लाख रकम बिनियोजन गरिएको छ भने बाँकी काम गुरुयोजना बनाएर  गरिने जेसिज बुटवल शाखा अध्यक्ष हरिबिक्रम कुवरले बताए । 

यस्तै  बुटवल अन्तर्राष्ट्रिय सम्मेलन केन्द्रमा आजदेखि पुस २ गतेसम्म राष्ट्रिय महाधिवेशन हुदैछ ।

महाधिवेशनको दिउसो ३ बजे प्रतिनिधिसभाका सभामुख देवराज घिमिरेले उद्घाटन गर्ने कन्भेन्सन डाइरेक्टर तथा पूर्वअध्यक्ष जगत पोखरेलले जानकारी दिए । उद्घाटन पूर्व बुटवलमा मध्यान्न १२ बजेदेखि बिशाल शान्ति पदयात्रा हुदैछ ।

नागरिक अनलाइन

लेखकबाट थप

• शुक्रवार, मंसिर २९ २०८००१:३०:२०

• Tags:

  # जेसिज स्मारक

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान