बुटवल, मंसिर १४ ।

३६ औँ विश्व एड्स दिवसको सन्दर्भमा लुम्बिनी प्रादेशिक अस्पताल र एएचएफ नेपालले बक्तृत्वकला प्रतियोगिता सम्पन्न गरेको छ । एचआईभि एड्स स्वास्थ्यकर्मीको भुमिका र जोखिम न्युनिकरण शिर्षकमा अस्पतालमा आयोजित बक्तृत्वकला प्रतियोगितामा १३ जना कर्मचारी तथा स्वास्थ्यकर्मीको सहभागिता रहेको थियो ।  

प्रतियोगितामा प्रतिष्ठा पाण्डे प्रथम,सुस्मा रेग्मी द्वितिय , ईच्छा बुढामगर तृतिय र मन्जु वलीले सान्त्वना स्थान हासिल गरिन् । उनीहरुलाइ नगद पुरस्कार,मायाको चिनो र प्रमाणपत्र प्रदान गरिएको छ ।

सहभागी सबैलाई प्रमाणपत्र दिइएको अस्पतालका एआरटी क्लिनीक इन्चार्ज तथा कार्यक्रम संचालक भिम ज्ञवालीले जानकारी दिए  ।

डा.ज्ञानहरी मरासिनीको अध्यक्षतामा भएको कार्यक्रममा बोल्दै प्रमुख अतिथि मेडिकल सुपरिटेन्डेन्ट डा.सुदर्शन थापाले चिकित्सकहरु सजग भएर सेवामा लाग्न आग्रह गर्नुभयो ।

प्रतियोगिताको निर्णायकमा डा. ज्ञानहरी मरासिनी ,नर्सिङ ईन्चार्ज ज्योति पौडेल र डा. कृष्ण खनाल रहनुभएको एएचएफ संयोजक धर्मराज भट्टराईले बताए ।

सो अबसरमा राष्ट्रिय एचआईभी तथा एड्स महासंघ लुम्बिनी संयोजक अर्जुन ज्ञवाली,सामाजिक अभियान्ता आनिक राना लगायतले बोलेका थिए । विश्वमा १९८१  पहिलोपटक देखापरेको एचआइभी एड्स देखा पर्याे नेपालमा १९८८पहिलोपटक  देखा परेको हो । अहिले नेपालमा करिब २९ हजार  संक्रमित छन् ।

एचआइभी र एड्स सम्वन्धी प्रभावकारी रोकथाम, हेरचाहा, सहयोग तथा उपचार सेवाको लागी बिश्वव्यापी ध्यानाकर्षण गर्दै जनचेतना जोगाउन सन् १९८८ देखि हरेक वर्ष डिसेम्वर १ मा विश्व एड्स दिवस मनाउन थालिएको हो ।

नागरिक अनलाइन

लेखकबाट थप

• बिहिवार, मंसिर १४ २०८००७:०५:५२

• Tags:

  # विश्व एड्स दिवस # लुम्बिनी प्रादेशिक अस्पताल

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन