बुटवल,मंसिर १२ ।

नेपाली कांग्रेसका सभापति तथा पूर्वप्रधानमन्त्री शेरबहादुर देउवाले रुपन्देहीको भैरहवास्थित गौतमबुद्ध अन्तर्राष्ट्रिय विमानस्थल पूर्ण सञ्चालनका लागि पहल गर्ने वचन दिनुभएको छ ।

‘अरूलाई दोष दिएर मात्र हुँदैन, विमानस्थल पूर्ण रूपमा सञ्चालनको लागि आवश्यक पूर्वाधार बनेकै छैनन्, अध्यागमन लगायतका अन्य कार्यालयहरू पनि विमानस्थलमा छैनन्, म यसबारेमा काठमाडौँमा पुगेर मन्त्रीहरुसंग छलफल गर्छु  ।’ उहाँको भनाइ छ ।

नेपाली कांग्रेस रुपन्देहीको प्रथम जिल्ला सम्मेलनलाई मंगलबार भैरहवामा सम्बोधन गर्दै सभापति देउवाले विमानस्थल सञ्चालनका लागि सरकार र सरोकारका सबै पक्षसँग परामर्श गर्ने उल्लेख गर्नुभयो । काठमाडौंमा गएपछि सम्बन्धित निकायसँग विमानस्थल पूर्ण क्षमतामा सञ्चालन गर्नेबारे कुरा गर्ने देउवाको भनाइ थियो ।

सभापति देउवाले रूपन्देही सम्मेलनबाट देशभर नेपाली कांग्रेस एकताबद्ध छ भन्ने सन्देश दिनुपर्ने बताउनुभयो । गौतमबुद्धको जन्मस्थल रूपन्देहीको महत्व देशमा मात्र नभई विदेशमा समेत रहेको उल्लेख गर्नुभयो ।

सभापति देउवाले  पार्टीका नेता बालकृष्ण खाँणले चाँडै न्याय पाउने विश्वास ब्यक्त गर्नुभयो । ‘बालकृष्ण खाँणजीले अवश्य न्याय पाउनुहुनेछ भन्ने मैले भनिसक्या छु’। उहाँको भनाइ छ । उहाँले अदालतमा विचाराधीन रहेको मुद्दामा धेरै बोल्नु उचित नहुने भन्दै उनले न्याय पाउने बताउनुभयो ।

सो अबसरमा बोल्दै कांग्रेस नेता डा चन्द्र भण्डारीले नयाँ पुस्ता कुनै गुटमा नलागेर पार्टीमा लाग्न आग्रह गर्नुभयो । भण्डारीले नेपालमा धेरै भ्रष्टाचारी मौलाएको भन्दै अब यी भ्रष्टाचारीले छुट नपाउने दाबी गर्नुभयो । नेपालको रोग नै भ्रष्टाचार भएको भन्दै भ्रष्टाचारीहरूलाई ठेगान नलगाएसम्म विकास सम्भव नभएको उहाँको भनाइ छ ।

सो अवसरमा  कांग्रेस नेताहरु सहमहामन्त्रीमा किशोरसिंह राठौर ,भरत शाह,देबेन्द्र राज कडेँल,अब्दुुल रज्जाक,नैनसिह महर,अमरसिंह पुन,जिल्ला सभापति रामकृष्ण खाँण,शुशिल गुरुङ,खेलराज पाण्डेय,तरुण दलका अध्यक्ष विद्वान गुरुङ लगायतले बोल्नुभएको थियो ।

नागरिक अनलाइन

लेखकबाट थप

• मंगलवार, मंसिर १२ २०८००७:४४:३४

• Tags:

  # शेरबहादुर देउवा # नेपाली कांग्रेस

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन