बुटवल,मंसिर ११ ।

नेपाली कांग्रेस रुपन्देहीको प्रथम जिल्ला सम्मेलन मंसिर १२ गते मंगलबार (भोलि) भैरहवामा हुने भएको छ ।कांग्रेस जिल्ला कार्यसमिति, रुपन्देहीले सोमबार भैरहवामा पत्रकार सम्मेलन गरी जिल्ला सम्मेलनबारे जानकारी गराएको छ ।

जिल्ला सम्मेलन मंगलबार भव्यताका साथ सम्पन्न हुन गइरहेको कांग्रेस रुपन्देहीका सभापति रामकृष्ण खाणले बताए । उनले सिद्धार्थनगर नगरपालिका–१३ स्थित पटवा ब्याङ्केट (पुरानो महेन्द्र सभा गृह) मा बिहान ११ बजेदेखि सम्मेलन सुरु हुने जानकारी दिए । सम्मेलनमा पार्टीका केन्द्रीय सभापति तथा पूर्वप्रधानमन्त्री शेरबहादुर देउवा, पार्टीका पदाधिकारीहरु, केन्द्रीय सदस्यहरु, विभिन्न भातृ संस्थाका सभापतिहरु लगायतको उपस्थिति रहने खाणले जानकारी दिए ।

सम्मेलनमा ३ हजार ४५ जना जिल्ला प्रतिनिधिहरुको सहभागीता रहने उनले बताए ।उनले भने, ‘जिल्ला सम्मेलनले कांग्रेसलाई गतिशिल, बलियो बनाउने, पार्टीको गुटहरुलाई न्यूनीकरण गर्ने र नेपालको लोकतन्त्र, प्रजातन्त्र र संघीयतालाई संस्थागत गर्दै अगाडि बढाउने छ। ’‘कांग्रेसका कार्यकर्तालाई गतिशिल, क्रियाशिल र कार्यकर्ताको आत्मविश्वास बढाएर हामी अगाडि बढ्ने हो ।

भोली हुने जिल्ला सम्मेलनको मुख्य उद्देश्य हो, ’खाणले भने ।तिलोत्तमा नगरपालिकाका प्रमुख समेत रहेका खाणले १४ औं महाधिवेशनमा निर्वाचित भएपछि जिल्लाको यो पहिलो सम्मेलन भएको र अर्कोचोटिगर्दा दोस्रो सम्मेलन हुने बताए । कांग्रेसका केन्द्रीय सदस्य तथा लुम्बिनी प्रदेश सभा सदस्य अब्दुल रज्जाकले देशको समस्या समाधान कांग्रेसले मात्रै गर्न सक्ने दावी गरे ।

पार्टीका केन्द्रीय सदस्य तथा सार्वजनिक लेखा समितिका पूर्व सभापति भरत कुमार शाहले मुलुकमा संघीयताको महसुस गरिएकोले नै संघीयता आएको बताए ।

नागरिक अनलाइन

लेखकबाट थप

• सोमवार, मंसिर ११ २०८००७:१६:०६

• Tags:

  # कांग्रेस रुपन्देही # शेरबहादुर देउवा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा