शनिवार, भाद्र ३० २०८०

ज्ञानपुञ्जमा मनाइयो ५९ औं राष्ट्रिय बाल दिवस

नागरिक अनलाइन

1.6K

ज्ञानपुञ्जमा मनाइयो ५९ औं राष्ट्रिय बाल दिवस

बुटवल,भदौ ३०।

५९औं राष्ट्रिय बाल दिवसको अवसर पारेर ज्ञानपुञ्ज इ.बो.स्कूलको आयोजना तथा ज्ञानपुञ्ज बालक्लवको सह–आयोजनामा विद्यालयमा हाजिरी जवाफ प्रतियोगिता २०८० सम्पन्न भएको छ ।

अन्तर सदानात्मक हाजिरी जवाफ प्रतियोगिताको अध्यक्षता ज्ञानपुञ्ज बालक्लवका कोषाध्यक्ष साहारा भुसाल कक्षा–९ ले गरेकी थिइन् भने प्रमुख आतिथ्यता विद्यालयका प्राचार्य तोयाराम पौडेलले गर्नुभएको थियो ।

कार्यक्रम सञ्चालन सामाजिक विभाग प्रमुख गणेश गैरे र विज्ञान विभाग प्रमुख कुमार सापकोटा ले गर्नुभएको थियो । कार्यक्रममा बोल्दै प्रमुख अतिथि तोयाराम पौडेलले विद्यार्थीमा रहेको आन्तरिक तथा बाह्‌य ब्यक्तित्व विकासमा हाजिरी जवाफ प्रतियोगिताले सकारात्मक उर्जा थप्ने बताउनु भयो ।

विद्यालयको चाहना भनेकै अध्ययन गर्ने विद्यार्थीहरुलाई समाजमा टिक्ने‚ बिक्ने‚ सिक्ने र सिकाउन सक्ने जनशक्ति तयार पार्नु रहेको बताउनुभयो । उक्त प्रतियोगितामा ब्लु सदनका विपना जि.सी‚ अमित अधिकारी र रेनिसा खड्काले प्रथम स्थान‚ ग्रिन सदनका संस्कृत न्यौपाने‚ विपिन घिमीरे र क्रृष्टि तिमीलसिनाले द्वितीय स्थान र यल्लाे सदनका संमृद्धि श्रेष्ठ‚ राहुल रानाभाट र सागर बेलवासेले तृतीय स्थान प्राप्त गर्न सफल भएका थिए । उत्कृष्ट हुने सफल विद्यार्थीलाई प्रमुख अतिथि तथा प्राचार्य तोयाराम पौडेल इसीए प्रमुख हरि भट्टराइले सम्मान तथा प्रमाणपत्र प्रदान गर्नु भएको थियो ।

कार्यक्रममा विद्यालयका सह–प्राचार्य एवम् विशिष्ट अतिथि हिमलाल न्यौपाने‚ हरि भट्टराइ लगायतले बालबालिकाको महत्व र भोलिको भविष्य वारे प्रकाश पार्नुभएको थियो । त्यसै गरि नर्सरी देखि कक्षा १० सम्मका विद्यार्थीहरुलाई बाल दिवसको अवसरमा बाल दिवसको स्थापनाको महत्व र प्रभावकारिताका बारेमा जानकारी गराइयो ।

केहि विद्यार्थीहरुले बाल दिवसको महत्व बारे वक्तृत्वकला तथा निवन्ध प्रस्तुत गरेका थिए । साथै कार्यक्रममा बालबालिकाहरुलाई सम्मान तथा मिष्ठान्न वितरण गरिएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)