बुटवल,चैत ९ ।

मनाङ मर्स्याङ्दी क्लब रुपन्देहीमा जारी तिलोत्तमा गोल्डकप फुटबल प्रतियोगिताको फाइनलमा प्रवेश गरेको छ । मनाङले अब उपाधिका लागि शनिबार हुने फाइनलमा सुदूरपश्चिम-११ सँग प्रतिस्पर्धा गर्नेछ ।

बुटवलको देवीनगरस्थित एन्फा टेक्निकल सेन्टरको मैदानमा बिहीबार भएको अन्तिम सेमिफाइनमा फ्रेण्ड्स क्लबलाई ४–३ गोल अन्तरले पराजित गर्दै मनाङ उपाधि नजिक पुगेको हो । मनाङ र फ्रेन्ड्सबीच निर्धारित समयमा २(२ गोलको बराबरी भएपछि खेलको निर्णय पेनल्टी सुटआउटबाट लिइएको थियो ।

मनाङका लागि खेलको ७ औं मिनेटमा रफिक अमिनोले गोल गर्दै फ्रेन्ड्सलाई अग्रता दलाएका थिए । उत्तम राईले २६ औं मिनेटमा अर्को गोल गर्दै अग्रता दोब्बर पारेका थिए । दबाबमा परेको मनाङका लागि पहिलो हाफको अतिरिक्त समयमा आशिस गुरुङले गोल गर्दै फ्रेन्ड्सको अग्रता २–१ मा छोट्याए ।

दोस्रो हाफको २ मिनेटमा मनाङका प्रसन्न श्रेष्ठले अर्को गोल थप्दै खेललाई २–२ को बराबरीमा फर्काएका थिए । बिहीबार भएको खेलमा मनाङका कप्तान आशीष गुरुङ प्लेयर अफ द म्याच घोषित भए । उनले ११ हजार १११ रुपैयाँ प्राप्त गरेका छन् । बुधबार भएको खेलमा थ्री स्टार क्लबलाई १–० गोलले पराजित गर्दै सुदूरपश्चिम -११ ले फाइनल यात्रा तय गरेको थियो । फाइनल खेल शनिबार हुनेछ ।

नागरिक अनलाइन

लेखकबाट थप

• बिहिवार, चैत्र ९ २०७९०७:३२:५९

• Tags:

  # २२ औं तिलोत्तमा गोल्डकप # मनाङ मर्स्याङ्दी # सुदूरपश्चिम ११

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग