बुटवल ,मंसिर १०-

अर्थमन्त्री विष्णु पौडेलले केपी ओली नेतृत्वको सरकार पुरा पाँच वर्ष टिक्ने दाबी गरेका छन् । अर्थमन्त्री पौडेलले विकास समृद्दि र समाजवादको गन्तब्य तय नगर्दासम्म वर्तमान सरकार टिकिरहने बताउंदै उनले सानातिना व्यवधानले सरकारको कामलाई असर नपार्ने स्पष्ट पारे ।

रुपन्देहीको बुटवलमा आज तिनाउ दानव नदी करिडोर आयोजनाको शिलान्यास गर्दै अर्थमन्त्री पौडेलले प्रदेशको केन्द्र नहुँदैमा बुटवलको समृद्दि र विकासलाई कसैले रोक्न नसक्ने जिकिर गरे ।

तिनाउ दानव नदी करिडोर केन्द्र सरकारको बिशेष महत्वको आयोजना भएको बताउंदै उनले यो सडक पुरा भएपछि बुटवलबाट भारतीय सिमा मर्चवार सम्मको क्षेत्रको कायापलट हुने दाबी गरे ।

उनले नदि किनारमा बसोबास गर्दै आएका स्थानीयलाई सम्बोधन गर्दै विकासका लागि सहयोग गर्न आह्वान समेत गरे । नदि किनारमा बस्दै आएका भूमिहिनहरुलाई सरकारले बैकल्पिक ब्यवस्था गर्ने निर्णय गरिसकेको बताए ।पौडेलले रुपन्देहीको विकाससँग जोडिएका कुनै पनि काम नरोक्न सराकोरवालालाई कार्यक्रम स्थलबाटै निर्देशन समेत दिए । 

उनले सिद्धबाबा सुरुङमार्गको डीपीआर बनिसक्दा, बजेटको ब्यवस्था भईसक्दा र सबै तयारी हुंदा पनि टेण्डर प्रक्रिया अगाडी नबढेकोमा चिन्ता ब्यक्त गर्दै कार्यक्रम स्थलबाटै सुरुङमार्गको काम अगाडी नबढेको बिषयमा सम्बन्धित निकायलाई प्रश्न गरे ।

कार्यक्रमका बीच अर्थमन्त्री पौडेलले तिनाउ र दानव नदीलाई आधार बनाएर नदीको किनारै किनार बुटवलको जितगढीबाट भारतीय सिमा मर्चवारसम्मको सडकअन्तर्गत पहिलो चरणको ४.३ किलोमिटर सडकको शिलान्यास गरेका थिए ।

सो सडकको पहिलो चरण अन्तर्गत ४.३ किलो मिटर सडक ५२ करोड ४६ लाख ८३ हजार लागतमा २०८० साल असोज मसान्तमा सम्पन्न गर्ने गरि ठेक्का दिईएको छ ।

यी समाचार पनि :-

• राजधानीसंग अर्थमन्त्री पद साटेको भन्दै बिष्णु पौडेललाइ बुटवलमा कालोझण्डा (फाेटाेफिचर)

• नेकपा रुपन्देहीकाे कांग्रेसलाई प्रश्न -‘अर्थमन्त्री बिष्णु पौडेललाई कालोझण्डा किन देखाएको ?’

• ईश्वरकाे रक्षा खाेसियाे,बिष्णु पौडेल अर्थमन्त्री,कृष्णगोपाललाइ सहरी विकासकाे जिम्मा

• नेकपा महासचिव पौडेलले बुटवलबाट भने-‘पार्टीको मर्यादाबाहिर गएर आरोप-प्रत्यारोप गरियाे’

नागरिक अनलाइन

लेखकबाट थप

• बुधवार, मंसिर १० २०७७०७:०५:५०

• Tags:

  # बिष्णु पौडेल # अर्थमन्त्री # तिनाउ दानव नदी करिडोर

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा