बुटवल,फागुन २२ ।

आजदेखि बुटवलमा प्रथम न्यु होराइजन कप जिल्ला स्तरीय अन्तरबिद्यालय छात्रा भलिवल प्रतियोगिता शुरु भएको छ ।बुटवल ११ देबीनगरमा रहेको न्यु होराइजन माबिमा न्यु होराईजन स्पोर्ट क्लवको आयोजना तथा रोटरी ई कल्व अफ मेडिकोफ्युजन हाईब्रिड नेपालको सह आयोजनामा प्रतियाृेगिता शुरु भएको हो ।

फागु पूर्णिमा तथा तथा अन्तर्राष्ट्रिय नारी दिवसको सन्दर्भमा आयोजित प्रतियोगिताको उद्घाटन गर्दै क्लवका अध्यक्ष डा. प्रकाश बस्नेतले खेल मानव जिवनका लागि महत्वपूर्ण रहने बताउनुभयो ।  सो अबसरमा क्लवका संरक्षक तथा न्यु होराइजनका प्राचार्य लोकनाथ उपाध्याय, उपप्रचार्य बालकृष्ण भण्डारी ,क्लवका कोषाध्यक्ष लिला खनाल,सचिव  प्रकाश गौतम, शिक्षक कपिल आचार्य लगायतले बोल्नुभएको थियो ।

आज चारखेल भएका छन् ।उद्घाटन खेलमा कालिकाले न्यु ईन्भारोन्टमेन्टलाई जित्दै अघिल्लो चरणमा गएको छ । भने दोश्रोखेलमा शान्ति नमुना माबिलाई सेन्ट जोशेफ भलबारीले पछाडी पारेको हो । त्यस्तै नवज्योति र बुद्धपब्लिक , एसियन लाईट ईबो र सगरमाथा ईबो बिच खेल भएको क्लवका उपाध्यक्ष तथा खेल संयोजक चेतन ठकुरीले बताउनुभयो ।

प्रतियोगितामा जिल्लाका १२ टिम सहभागि छन् । ३ दिनसम्म चल्ने सो प्रतियोगितामा उत्कृष्ट हुने टीमलाइ क्रमश ३० हजार,२० हजार ,१५ हजार र ८ हजार नगद सहित प्रमाणपत्र प्रदान गरिने जनाइएको छ  ।

नागरिक अनलाइन

लेखकबाट थप

• सोमवार, फाल्गुण २२ २०७९०८:१४:३९

• Tags:

  # छात्रा भलिवल # न्यु होराइजन

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान