बुटवल,कार्तिक २०-

रगतको मौज्दात घटेपछि बुटवलमा आकस्मिक रक्तदान गरिएको छ । रक्त सञ्चार सेवा केन्द्र बुटवलमा रगत अभावपछि नेपाल स्वयम् सेवी रक्तदाता समाज रुपन्देहीले बुधबार आकस्मिक रुपमा रक्तदान कार्यक्रम गरेको अध्यक्ष कृष्णचाैहान क्षेत्रीले नागरिक अनलाइनलाइ जानकारी दिनुभयाे ।

रगतको अभाव हुन नदिनको लागि आकस्मिक रुपमा रक्त सञ्चार सेवा केन्द्रमै कार्यक्रम गरिएको र ७ जना प्लाज्मा सहित ५० जनाले आकस्मिक रक्तदान गरेको समाज रुपन्देहीका कार्यसमिति सदस्य आकाश पन्थले जानकारी दिनुभयो ।

कोरोना भाईरस (कोभिड–१९)को महामारी र यहि बिचमा परेका चाडपर्वका कारण यो समयमा नियमित रुपमा रक्तदान कार्यक्रमहरु हुन सकेका छैनन् । जसका कारण रक्त सञ्चार सेवा केन्द्र (ब्लड बैंक) बुटवलमा रगतको मौज्दात कम भएको रक्त सञ्चार सेवा केन्द्र बुटवलले जनाएको छ ।

नेपाल रेडक्रस शोसाईटी रुपन्देही शाखाले सञ्चालन गरेको बुटवलको रक्त सञ्चार सेवा केन्द्रमा सरदर ५ सय युनिट रगत मौज्दात रहने गर्दथ्यो । रक्त सञ्चार सेवा केन्द्र बुटवलकी प्राबिधिक राधा ज्ञवालीका अनुसार त्यस्तै दैनिक पनि सरदर सय युनिट रगत संकलन भइनै रहन्थ्यो । तर अहिले कोरोना भाईरस महामारी र यसकै बिचमा परेका चाडपर्वका कारण रक्तदानका कार्यक्रम पनि नियमित रुपमा हुन सकेका छैनन् ।

एकातिर रगतको मौज्दात कम छ, त्यसमा पनि ‘ए’ पोजिटिभ र ‘एबी’ पोजिटिभ समुहको रगतको मौज्दात एकदमै कम रहेको उहाँले बताउनु भयो ।

नागरिक अनलाइन

लेखकबाट थप

• बिहिवार, कार्तिक २० २०७७०८:२८:४५

• Tags:

  # रक्तदान # स्वयंसेवी रक्तदाता समाज # रक्त सञ्चार सेवा केन्द्र

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग