मंगलवार, आषाढ १५ २०७८

नाडा लुम्बिनीले स्वास्थ्य मन्त्री श्रेष्ठलाइ बुझायो ज्ञापनपत्र,श्रमिकका लागि खोप उपलब्ध गराउन माग

नागरिक अनलाइन

3.5K

नाडा लुम्बिनीले स्वास्थ्य मन्त्री श्रेष्ठलाइ बुझायो ज्ञापनपत्र,श्रमिकका लागि खोप उपलब्ध गराउन माग

बुटवल,असार १५-

लुम्बिनी अटोमोवाइल्स एशोसिएसन अफ नेपाल बुटवल (नाडा लुम्बिनी) ले लुम्बिनी प्रदेशका स्वास्थ्य मन्त्री भोजप्रसाद श्रेष्ठलाइ ज्ञापनपत्र बुझाएको छ ।

कोरोना महामारीका कारण अटोमोवाइल क्षेत्र बढि प्रभाबित भएको र अटोमोवाइल क्षेत्र, वर्कशप, शो रुम तथा स्पेयर पार्टस पसलहरुमा काम गर्ने व्यवसायीहरु, कर्मचारीहरु, टेक्नीसियनहरु र विशेषगरी ठूलो संख्यामा देशमा छरिएर रहेका श्रमिकहरुका लागि कोभिड १९ विरुद्धको खोप यथासक्य छिटो उपलब्ध गराई दिने व्यवस्थाका लागि नाडाले प्रदेश सरकारसंग अपिल गरेको हो ।

ज्ञापनपत्र बुझाउदै अध्यक्ष गणेशप्रसाद भट्टराइले सरकारले अटो क्षेत्रलाइ प्राथमिकतामा राखेर मजदुरहरुका लागि खोप उपलब्ध गराउन आग्रह गर्नुभयो । ज्ञापनपत्र बुझेपछि प्रदेशका स्वास्थ्य मन्त्री भोजप्रसाद श्रेष्ठले अटो क्षेत्रका सबैलाइ प्राथमिकताका साथमा खोप लगाउने बाताबरण बनाउने प्रतिबद्धता जनाउनुभएको थियो ।

अटोमोवाइल वर्कशप, शो रुम तथा स्पेयर पार्टस समेत तोकिएको समयमा मात्र खुल्ला हुनेगरी निर्देशिका जारी गरिसकेको भए पनि ती क्षेत्रमा कार्यरत व्यवसायी, कर्मचारी र विशेषगरी मजदुरहरुका लागि खोप उपलब्ध नभएको महासचिब रोशन पाण्डेकोे गुनासो छ ।