आइतवार, फाल्गुण ९ २०७७

यौनिक तथा लैंङ्गिक अल्पसंख्यकको अधिकार स्थापित गर्न सबै एकजुट हुनुपर्छ : उपसभामुख थारु

नागरिक अनलाइन

2.5K

यौनिक तथा लैंङ्गिक अल्पसंख्यकको अधिकार स्थापित गर्न सबै एकजुट हुनुपर्छ : उपसभामुख थारु

बुटवल,फागुन ९-

लुम्बिनी प्रदेशका उपसभामुख कृष्णी थारुले यौनिक तथा लैंङ्गिक अल्पसंख्यक र एचआइभि संक्रमितको अधिकार स्थापित गर्न सरोकारवाला एकै ठाँउमा केन्द्रित हुन आवश्यक रहेको बताउनुभएको छ ।

निलहिरा समाज नेपालले आज बुटवलमा आयोजना गरेको लुम्बिनी प्रदेशका सरकारी निकायहरुसंग यौनिक तथा लैगिक अल्पसंख्यक र एचआइभि संक्रमित तथा प्रभावित समुदायका मुद्धाहरु विषयक प्रदेश स्तरिय अन्तक्रिया कार्यक्रममा बोल्दै कार्यक्रमका प्रमुख अतिथि उपसभामुख थारुले कानून कार्यान्वनमा समेत जोड दिनुपर्ने बताउनुभयो ।

उहाँले यौनिक तथा लैंङ्गिक अल्पसंख्यकहरु लगायत समाजमा पछाडि परेका सबै समुदायको शशक्तिकरणका लागि बनेका कानून र नीतिका विषयलाई योजनामा पार्न आफू सक्दो प्रयास गर्ने प्रतिबद्धता समेत जनाउनुभयो ।

तिलोत्तमा नगरपालिकाका उप–प्रमुख जागेश्वरी चौधरीले समाजमा रहेका यौनिक तथा लैगिक अल्पसंख्यकहरुको संम्बोधनका लागि लैंगिक उत्तरदायि वजेटमा जोड दिन तिलोत्तमा नगरपालिकाले साे समुदायको तथ्याङ्क संकलन गरि वजेट विनीयोजन गरेको बताउनुभयो ।

हाल तिलोत्तमा नगरपालिकामा १३ जना यौनिक तथा लैगिक अल्पसंख्यक रहेको र उहाँहरुको आर्थिक शशक्तिकरणका लागि विभिन्न कार्यक्रम संचालन गर्ने योजनामा रहेकाले लक्षित समुदायलेनै नगर संग समन्वय गर्न समेत उहाले आग्रह गर्नुभयो ।
जिल्ला समन्वय समिति रुपन्देहीका अध्यक्ष एकराज बिश्वकर्माले यौनिक तथा लैगिक अल्पसंख्यक लगायत समग्र मानव विकासमा जोड दिन रुपन्देहीका १६ वटै स्थानिय तह तयार रहेको र समन्वय सहकार्यका लागि आफू प्रतिबद्ध भएर लाग्ने बताउनुभयो ।

लुम्बिनी प्रदेश सामाजिक विकास मन्त्रालयका सामाजिक विकास महाशाखा प्रमुख शारदा बस्यालले प्रदेशमा रहेका यौनिक तथा लैंगिक अल्पसंख्यकको समस्या पहिचान गरि नीति ,योजना र कार्यक्रममा सम्बोधन गरेको बताउनुभयो ।

मन्त्रालयले यस आर्थिक वर्षमा प्रदेशको दाङ जिल्लाका २० जना यौनिक तथा लैंगिक अल्पसंख्यकलाई आयआर्जनका लागि सिपमुलक तालिम प्रदान गर्ने तयारी गरेको बताउनुभयो ।

निल हिरा समाजका केन्द्रिय अध्यक्ष पिङ्की गुरुङले नेपालको संविधान २०७२ को धारा १२ ,१८ र ४२ मा यौनिक तथा लैंगिक अल्पसंख्यकको हक अधिकारको व्यवस्था गरिए पनि नीती योजना निर्माण र कार्यान्वयनमा सरोकारवालाले ध्यान नदिदा अधिकार कागजमै सिमित रहेको बताउनुभयो ।

अवका दिनमा नीती र योजनामा सम्बोधन भएका विषय कार्यान्वयनमा लैजानका लागि सरोकारवालासंग छलफल गर्नु परेको अध्यक्ष गुरुङले बताउनुभयो । उहाँले हाल सम्म देशका ३५ जिल्लामा आफूहरु संगठित भएर काम गरेको र ७ सय जना कर्मचारी कार्यरत रहेको बताउनुभयो ।

कार्यक्रममा निल हिरा समाजका कार्यकारी निर्देशक मनिसा ढकालले समाजको स्थापना,उद्धेश्य,अधिकार स्थापितका लागि संस्थागत गरिएका पहल र उपलब्धी बारे सहजीकरण गर्न भएको कार्यक्रममा एचआइभि संक्रमितहरुको राष्ट्रिय संजाल लुम्बिनी प्रदेश का प्रतिनिधी अर्जुन ज्ञवाली,आस्था समुह रुपन्देहीका प्रतिनिधी सुमन हिताङ्ग पत्रकार कल्पना तिवारी लगायतले बोल्नु भएको थियो ।

निल हिरा समाजका केन्द्रिय अध्यक्ष पिङ्की गुरुङको अध्यक्षता र एक्लोलाई सहारा दिने बृक्ष समुह रुपन्देहीका कार्यालय प्रमुख मनिला न्यौपानेको स्वातमा सम्पन्न कार्यक्रमको संचालन निल हिरा समाजका कार्यक्रम निर्देशक संजय शर्माले गर्नु भएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)