चितवन,जेठ १७ ।

नवलपुरको गैंडाकोट नगरपालिका–१५, चिन्तामणी टोलमा घरायसी विवादका क्रममा बुबाले आफ्नै छोराको हत्या गरेका छन्।

जिल्ला प्रहरी कार्यालय नवलपुरका अनुसार स्थानीय ६३ वर्षीय डम्मर गिरीले आफ्ना ४३ वर्षीय छोरा शंकर गिरीमाथि धारिलो हतियार खुर्पा प्रहार गर्दा उनको मृत्यु भएको हो।

प्रहरीका अनुसार शनिबार राति करिब १० बजे बुबा–छोराबीच घरायसी विषयलाई लिएर विवाद सुरु भएको थियो। प्रारम्भमा सामान्य भनाभनबाट सुरु भएको विवाद पछि उग्र बनेको बताइएको छ।

विवादकै क्रममा डम्मर गिरीले शंकरमाथि खुर्पा प्रहार गरेका थिए। टाउकोमा गम्भीर चोट लागेका शंकरलाई तत्काल स्थानीय र परिवारजनको सहयोगमा उद्धार गरी उपचारका लागि चितवनको भरतपुरस्थित नयाँ मेडिकल कलेज पठाइएको थियो।

उपचारका क्रममा शनिबार राति १०:४५ बजे चिकित्सकले उनलाई मृत घोषणा गरेको जिल्ला प्रहरी कार्यालय नवलपुरका प्रवक्ता डिएसपी अनिल पण्डितले जानकारी दिए।

घटनापछि प्रहरीले घटनास्थलबाट प्रयोग गरिएको खुर्पा बरामद गरेको छ। आरोपी डम्मर गिरीलाई नियन्त्रणमा लिएर घटनाबारे थप अनुसन्धान अघि बढाइएको प्रहरीले जनाएको छ।

सुरज ज्ञवाली

चितवन,सम्वाददाता

लेखकबाट थप

• आइतवार, जेठ १७ २०८३०९:२८:३७

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा