काठमाडौं, वैशाख १० ।

बर्खास्तीमा परेका ऊर्जा, जलस्रोत तथा सिंचाइ राज्यमन्त्री पूर्णबहादुर तामाङले आज राति आफूले सपना राम्रोनदेखेको बताएका छन्। 

आज बुधबार प्रधानमन्त्री केपी शर्मा ओलीले बर्खास्त राज्यमन्त्रीबाट बर्खास्त गरेपछि तामाङले राति सपना नराम्रो देखेपछि मन्त्रालय नै नगएको बेला बर्खास्तीमा परेको प्रतिक्रिया दिएका हुन्। 

‘आज म मन्त्रालय गइनँ। राति सपना त्यति राम्रो थिएन त्यही भएर गएनँ। किन किन मन्त्रालय गइनँ,’ उनले भने, ‘केहीबेर अघि प्रधानमन्त्रीले हटाउनुहुने भयो राजीनामा दिनु भनेर गृहमन्त्रीले फोन गर्नु भएको थियो। मैले दिन्न भनेँ।’

उनले आफूले राजीनामा दिन आफ्नै पार्टी नेपाली कांग्रेसले निर्देशन दिनुपर्ने बताए।

‘पार्टीले फिर्ता बोलाउनुपर्‍यो नि, प्रधानमन्त्रीले बोलाउने हो र?,’ उनले भने, ‘म त खुसी नै छु। अनुभव भयो नि। तर मैलेराजीनामा दिनुपर्ने कारण थिएन। मैले झन्डै प्रधानमन्त्रीकै जति भोट ल्याएर जितेको मान्छे पो हुँ त।’ 

उनले प्रधानमन्त्री तथा सत्तामा भएकाहरूले जनजातिलाई देखी नसहेको आरोप पनि लगाए। 

‘मलाई हटाउनुको कारण दुई-तीनवटा त छन् नि। एउटा त जनजातिलाई देखी सहेनन्। अर्को कुलमानलाई हटाएकोविषयमा अलिअलि बोलिदिएको थिएँ,’ उनले भने, ‘अर्को कारण कुनै आयोजनाको डीपीआर बनाउन एमालेलेभनेअनुसारको बजेट राखेर गर्ने निर्देशन आयो मैले डीपीआरको खर्च कसले बेहोर्छ भनेर सोधेको थिएँ उनीहरूलाई चित्तबुझेन।’

उनले अब सरकार ढाल्नतिर लाग्ने दाबी पनि गरे। उनले भने, ‘अब त सरकार ढाल्नतिर लाग्ने हो नि।जनजातिलाई देखी नसहने सरकार किन राख्ने?’ 

नागरिक अनलाइन

लेखकबाट थप

• बुधवार, बैशाख १० २०८२०७:५७:१०

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग