काठमाडौं,कार्तिक ६ ।

अलराउन्डर दीपेन्द्र सिंह ऐरीले अवजिति ४० रन बनाउँदै नेपाललाई चौथो जित दिलाएका छन्। उनले १५ बलमा ६ चौका र एक छक्का प्रहार गरे। त्यस्तै गुल्शन झा १ रनमा अविजित रहे।

नेपाललाई जित नजिक पुर्‍याउन आसिफ शेख र कप्तान रोहित पौडेलले शानदार पारी खेलेका थिए। आसिफले सर्वाधिक ६२ रन बनाए। ५० बखेलेका उनले ६ चौका र दुई छक्का प्रहार गरे। कप्तान रोहित पौडेलले भने ४७ रन बनाए। ४२ बलमा उनले ४ चौका र एक छक्का प्रहार गरे। त्यस्तै कुशल भुर्तेल १ रनमा आउछ हुँदा सोमपाल कामी २ र कुशल मल्ल शून्य रनमै पेभेलियन फर्किए।

त्रिकोणात्मक टी-२० आई सिरिजअन्तर्गत मुल मुलपानी क्रिकेट मैदानमा सोमबार भएको खेलमा टस हारेर पहिले ब्याटिङको निम्तो पाएको यूएईले निर्धारित २० ओभरमा सात विकेटको क्षतिमा १६४ रन बनायो। उसका लागि बसिल हमिद र वृत्य अरविन्दले समान ४५-४५ रनको योगदान दिए। त्यस्तै आसिफ खानले १८ रन बनाए। 

बलिङतर्फ नेपालका सोमपाल कामी र अभिनास बोहोराले समान दुई/दुई विकेट लिए भने करण केसी र गुल्सन झाले समान एक/एक विकेट लिए।

नेपाल यसअघि नै फाइनल यात्रा सुनिश्चित गरिसकेको छ। खेलमा एक खेल जितेका युएई फाइनल पुग्ने सम्भावना कायमै राखेका छन्। हङकङ भने लगातार तेस्रो खेल पराजित हुँदै अंकतालिकाको पुच्छारमा रहेको छ।

नागरिक अनलाइन

लेखकबाट थप

• सोमवार, कार्तिक ६ २०८००३:२७:३७

• Tags:

  # त्रिकोणात्मक टी-२० आई सिरिज

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी