बुटवल,पुस २९ ।

नेपाली कांग्रेसका लुम्बिनी प्रदेश सभापति अमरसिंह पुनमगरले राष्ट्रको लागि केहि योगदान दिन आफू राजनीतिमा आएको बताउनु भएको छ ।

नेपाली कांग्रेस रोल्पाद्वारा नवनिर्वाचित प्रदेश सभापति पुनको सम्मानमा आयोजित बधाई तथा शुभकामना समारोहमा राष्ट्रलाई योगदान दिन आफू राजनीतिमा आएको बताउनु भएको हो ।

प्रदेश सभापति पुनले भन्नुभयो-‘ सम्पूर्ण पेशा व्यवसाय र सुखद जीवन त्यागेर राजनीतिमा आएको हुँ । मेरो एउटा निर्विकल्प पेशा भनेको राजनीति हो । म मेरो जिल्ला, प्रदेश र समग्र राष्ट्रलाई केहि योगदान दिने संकलन र अठोट सहित राजनीतिमा आएको हुँ ।’

सभापति पुनले सक्षम र क्षमतावान युवाहरूको आकर्षणको केन्द्र अब कांग्रेस बनाउनु पर्ने खाकासहित लुम्बिनी कांग्रेसले योजना बनाइरहेको बताउनु भएको छ ।

उहाँले आफ्ना गृह जिल्ला रोल्पाका कांग्रेस नेता तथा कार्यकर्तालाई साक्षी राखेर रोल्पको शिर निहुराउने कुनै काम नगर्ने प्रतिज्ञा समेत गर्नु भएको छ । उहाँले निर्वाचन पछिको हार्दिकतालाई कायम राख्दै संगठन निर्माण, सबलीकरण तथा सुढृढीकरणमा लाग्नु पर्ने अनुरोध गर्नु भएको छ ।

नागरिक अनलाइन

लेखकबाट थप

• बिहिवार, पौष २९ २०७८०५:५२:३६

• Tags:

  # अमरसिंह पुन मगर # नेपाली कांग्रेसका लुम्बिनी प्रदेश

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान