बुटवल,बैसाख १४-

लुम्बिनी प्रदेश नेपाली कांग्रेस संसदीय दल नेता वीरेन्द्रप्रसाद कनौडियाले कोरोना नियन्त्रणका सबै उपाय अबलम्बन गर्न सरकारलाई आग्रह गरेका छन् । 

कोभिडका बिरामी उपचारमा गम्भीर बन्न प्रदेश सरकारलाई आग्रह गरेका हुन् । 

मंगलबार विज्ञप्तिमार्फत नेता कनौडियाले मुख्यमन्त्री शंकर पोखरेलको ध्यानाकर्षण गराउँदै संक्रमितको उपचारका लागि आवश्यक स्वास्थ्य सामग्री तत्काल व्यवस्थापन गर्न र सीमा नाकामा कडाइ गर्न पनि माग गरेका छन् ।

लुम्बिनी प्रदेशका विभिन्न जिल्लामा संक्रमितको संख्या बढेसँगै सीमा नाकाबाट आउनेको भरपर्दो व्यवस्थापन हुन सकेको छैन । स्वास्थ्य परीक्षण, अस्पतालहरुमा बेड, अक्सिजन, स्वास्थ्य उपकरण र जनशक्तिजस्ता अत्यावश्यक सेवा अभाव भइरहेको छ । नेता कनौडियाले संक्रमितको उपचार, अस्पताल व्यवस्थापन र कोरोना नियन्त्रणका सबै उपाय अबलम्बन गर्न पनि माग गरेका छन् ।

पछिल्लो १० दिनमा लुम्बिनी प्रदेशका कोरोना संक्रमितको संख्या बढेको छ । अस्पतालहरुमा बिरामी भरिएपछि बेड र अक्सिजन अभाव भएको छ ।

बढ्दो बिरामीको चाप, मृत्यु संख्या र अस्पतालहरुमा बेड र अक्सिजन अभावले लुम्बिनी प्रदेशमा स्थिति थप भयावह बन्ने सम्भावनालाई कांग्रेस संसदीय दलले गम्भीर रुपमा लिँदै तत्काल सामग्री आपूर्ति र व्यवस्थापनमा लाग्न सरकारलाई ध्यानाकर्षण गराएको हो ।

कांग्रेस संसदीय दलले कन्ट्र्याक्ट ट्रेसिङलाई प्रभावकारी बनाउन र सम्भावित संक्रमितलाई लक्षित गरी पीसीआर परीक्षणका दायरा बढाउन पनि आग्रह गरेको छ ।

प्रदेशका सबै जनतालाई खोप पुर्‍याउने गरी कार्ययोजना तयार गर्न, खोप आपूर्ति सुनिश्चित गर्ने गरी उच्च कूटनैनिक पहल गर्न, स्वास्थ्यकर्मीलाई जोखिम भत्ता दिने सरकारको निर्णयलाई प्रभावकारी रुपमा कार्यान्वयन र स्वास्थ्यकर्मीको बिमा कार्यान्वयनमा ल्याउन पनि दल नेता कनौडियाले आग्रह गरेका छन् ।

सरकारले पछिल्लो चरण प्रदेश भर कन्ट्र्याक्ट ट्रेसिङ र पीसीआर परीक्षणमा त्यत्ति चासो दिएको छैन । लक्षण देखिएका बिरामी अस्पताल पुगेपछि मात्र परीक्षण हुने गरेको छ ।

यी खबरहरू पनि पढाैँ :-

• रुपन्देहीमा निषेधाज्ञा : पहिलाे चरणमा बैसाख १६ देखि २९ गतेसम्म !

• सरकारको कस्ताे नीति : सीमा नाका खुल्लै राख्ने,देशभित्रै फेरि निशेधाज्ञा !

• काठमाडाैँ उपत्यकामा निषेधाज्ञा,यातायात क्षेत्र वैशाख १६ गतेदेखि बन्द

• अन्तर्राष्ट्रिय तथा आन्तरिक हवाइ उडान तत्काल बन्द नहुने

• बर्दियामा एकसाता लकडाउन,अत्यावश्यक कामबाहेक बाहिर ननिस्किन आदेश

• दाङमा वैशाख १७ देखी २५ गतेसम्म लकडाउन

नागरिक अनलाइन

लेखकबाट थप

• मंगलवार, बैशाख १४ २०७८०७:४९:१९

• Tags:

  # कांग्रेस संसदीय दल # लुम्बिनी प्रदेश

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा