काठमाडौँ,असोज २०।

अविरल वर्षासँगै गएको बाढी र पहिरोले कोशी प्रदेशमा ठूलो क्षति पुर्‍याएको छ । पछिल्लो विवरण अनुसार प्रदेशभरि ४४ जनाको मृत्यु भएको छ । 

विपद् प्रभावित क्षेत्रहरूमा उद्धार कार्यलाई तीव्र पारिएको प्रहरीले जनाएको छ । कोशी प्रदेश प्रहरीका अनुसार पहिरो र बाढीका कारण मृत्यु हुनेको संख्या ४४ पुगेको हो । यसमध्ये सबैभन्दा बढी इलाममा ३७ जनाले ज्यान गुमाएका छन् । पाँचथरमा २, मोरङमा १ , सुनसरीमा १, उदयपुरमा २ र खोटाङमा १ जनाको मृत्यु भएको छ ।

पहिरोले कोशी प्रदेशका विभिन्न ५ वटा स्थानमा सडक अवरुद्ध भएका छन् । उदयपुरको कटारीमा रहेको सिद्धिचरण लोकमार्गका तीन ठाउँमा पहिरोले बाटो बन्द छ । 

यसैगरी, इलामको इलाम ९ स्थित मेची राजमार्ग पनि एक ठाउँमा अवरुद्ध छ भने धनकुटाको तमोर करिडोर पनि एक ठाउँमा बन्द भएको छ। कोशी नदीमा पानीको बहाब केही घटे पनि अझै उच्च छ ।

नागरिक अनलाइन

लेखकबाट थप

• सोमवार, आश्विन २० २०८२०४:१८:२१

• Tags:

  # बाढीपहिरो

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग