पाल्पा, फागुन १९ ।

कानुन, न्याय तथा संसदीय मामिलामन्त्री धनराज गुरुङले राजनीति जनताका लागि हुनुपर्ने बताउनुभएको छ । नेताहरूको कर्मले जनताका लागिभन्दा पनि आफू र परिवारका लागि काम गरेको देखिएकाले त्यसले जनतालाई दुःखी बनाएको उहाँको भनाइ छ ।   

तानसेन नगरपालिकाको आयोजनामा शनिबारदेखि तानसेनमा सुरु भएको प्रथम तानसेन कृषि, व्यापार, तथा पर्यटन महोत्सवको उद्घाटन गर्नुहुँदै उहाँले सबै एकजुट भएर जनताको पक्षमा काम गर्नुको विकल्प नभएको बताउनुभयो । उहाँले वडा अध्यक्षदेखि प्रधानमन्त्रीसम्मको सम्पत्ति छानविन गरी भ्रष्टाचारीलाई कारबाही नगरेसम्म देश उभो नलाग्ने जिकिर गर्नुभयो । उहाँले भन्नुभयो, ‘कृष्णप्रसाद भट्टराई प्रधानमन्त्री बनेपछि आश्रममा बस्नुभयो, उहाँको अनुयायी म पनि हुँ, त्यसैले म मन्त्री बनेर फेरि झुपडीमा बस्न तयार छु ।’

आफू हिजो झुपडीमा जन्मेको र भोलि पनि सडकमा आउन कुनै डर नभएको भन्दै उहाँले भ्रष्टाचार अन्त गर्ने अभियानमा आफू रहेको बताउनुभयो । उहाँले हिजो केही नभएका नेताहरू सिंहदरबार छिरेपछि भ्रष्टाचारमा मुछिने र नचिन्नेगरी मोटाउने गरेको टिप्पणी गर्नुभयो ।  सरकार अहिले भ्रष्टाचारीलाई कारबाही नगरे देश सुध्रिन नसक्ने उल्लेख गर्नुहुँदै भ्रष्टाचार अभियानमा सरकार प्रतिबद्ध रहेको बताउनुभयो । आफू मन्त्री परिषद्को एक सदस्यको हैसियतले भ्रष्टाचारीलाई कारबाही गर्न प्रतिबद्ध रहेको बताउनुभयो ।  

उहाँले पाल्पाको विकासका लागि सिद्धार्थ राजमार्गको डेडिकेटेड सडक निर्माण गर्नुपर्नेमा जोड दिनुभयो । उहाँले पोखरा र लुम्विनी आउने पर्यटकलाई पाल्पासम्म आउने वातावरण बनाउन सकियो भने पाल्पाको विकासले फड्को मार्ने बताउनुभयो । 

नागरिक अनलाइन

लेखकबाट थप

• शनिवार, फाल्गुण १९ २०८००७:५३:४४

• Tags:

  # कानुन मन्त्री धनराज गुरुङ # प्रथम तानसेन कृषि, व्यापार, तथा पर्यटन महोत्सव

• प्रतिशोधको भावना नलिई संयमता अपनाउन प्रधानमन्त्रीको आग्रह

• राष्ट्रपति पौडेलले बोलाएपछि शीतलनिवास पुगे प्रधानमन्त्री,के-के भयो छलफल ?

• बुटवलका १२ राजनीतिक दलले गरे सामाजिक सद्भाव कायम राख्न संयुक्त अपिल

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)