बुटवल,मंसिर १ ।

रुपन्देहीको तिलोत्तमा नगरपालिका–१४ स्थित नमस्ते एकेडेमीमा अध्ययनरत ७ जना विद्यार्थी अन्तर्राष्ट्रिय कराँते प्रतियोगितामा सहभागी हुन श्रीलंका तर्फ प्रस्थान गरेका छन् ।

१० औं अन्तर्राष्ट्रिय जापान सोतोकन खुल्ला कराँते प्रतियोगितामा सहभागी हुन विद्यार्थीहरु त्यसतर्फ प्रस्थान गरेका हुन् । विद्यार्थी , व्यवस्थापक , अफिसियल र टीम प्रशिक्षकलाई एक कार्यक्रमको आयोजना गरी बिहीबार बिदाई गरिएको छ ।

नेपालको प्रतिनिधित्व गर्दै नमस्ते एकेडेमीका विद्यार्थीहरु देवकुमार शाह, आइलेसजङ्ग थापा ,अन्स चौधरी ,नितिशा श्रेष्ठ , हिमानी थापा मगर ,बेद जैसवाल ,वीरबहादुर कुमाल , व्यवस्थापक विद्यालयका संस्थापक प्राचार्य राजेन्द्र कुँवर ,टीम प्रशिक्षक कमरुद्दीन अली र अफिसियल शुलोचना घिमिरेलाई शुभकामना दिदै विदाई गरिएको छ ।

बिदाई कार्यक्रममा बोल्दै विद्यालयका व्यवस्थापक उमेश कँडेलले आफ्नो कला र सीप प्रर्दशन गर्दै आफ्नो, विद्यालय र राष्ट्रको गौरव राख्दै उत्कृष्ट खेल खेलेर देशलाई विश्वमाझ चिनाउन आग्रह गरे । साथै विद्यार्थीहरुलाई खेल र मन दुवै जित्न आवश्यक रहेको उल्लेख गरे । नमस्ते एकेडेमीले यसअघि २०२२ मा श्रीलंका र २०२३ मा मलेसिया गएर खेल खेलेर च्याम्पीयन हुँदै ट्रफी लिएर आएको थियो ।

प्रतियोगिता १८ नोभेम्बर २०२३ हुँदैछ । श्रीलंकामा कराँते प्रतियोगिताका साथै शैक्षिक भ्रमण कार्यक्रम पनि रहेको व्यवस्थापक राजेन्द्र कुँवरले बताए। वादोरियो कराँते संघ लुम्बिनी प्रदेश अध्यक्ष जनेश पन्थीको अध्यक्षता र शशस्त्र प्रहरीका डिएसपी किशोर श्रेष्ठको प्रमुख आतिथ्यतामा सम्पन्न कार्यक्रममा संघका उपाध्यक्ष शोभाखर पन्थीले पनि शुभकामना व्यक्त गरे।

नागरिक अनलाइन

लेखकबाट थप

• शुक्रवार, मंसिर १ २०८००५:३८:२९

• Tags:

  # कराँते प्रतियोगिता

• नेपाल प्रेस युनियन रुपन्देहीद्वारा शुभकामना आदान–प्रदान

• बुटवलमा टीभीएसको ‘अचम्मैको महा एक्सचेन्ज’ मेला सुरु हुँदै

• बुटवल उद्योग बाणिज्य संघ : नवनिर्वाचित नेतृत्वद्वारा शपथसहित पदभार ग्रहण

• रास्वपा सरकारको नियत नै ठिक छैन : एमाले महासचिव शंकर पोखरेल

• कविता : मकै पोल्ने दिदी