काठमाडाैँ,मंसिर १६- 

सत्तारुढ नेपाल कम्युनिस्ट पार्टी नेकपा सचिवालय बैठकको समाचार संकलन गर्न प्रधानमन्त्रीको सरकारी निवास बालुवाटार पुगेका पत्रकारले भित्र प्रवेश बहिष्कार गरेका छन् ।

नेकपाभित्र विवाद चर्किंदै गएका बेला बालुवाटारमा पत्रकारलाई अपमान गर्न थालिएपछि बहिष्कार गरिएको पत्रकारहरूले जनाएका छन् । शुरूमा भित्र प्रवेश गर्न नदिएर अपमान गरिएपछि ढिला बोलाउँदा पनि नगएर बहिष्कार गरिएको छ ।

मंगलवार दिउँसो पत्रकारहरू बालुवाटार बाहिर सडकमा धुलोधुवा खाएर बैठकको निर्णयको प्रतिक्षामा रहेका छन् । बालुवाटारस्थित प्रधानमन्त्री निवासको गेटबाहिर चियापानी खाने विकल्प समेत नरहेको पत्रकार कृष्ण गिरीले जानकारी दिए ।

विभिन्न सञ्चारमाध्यमका पत्रकारहरू नेकपा प्रवक्ता नारायणकाजी श्रेष्ठको पर्खाइमा सडक छेउमै बसिरहेका छन् । नेकपा बैठक कतिबेला सकिने भन्नेबारे कुनै यकिन छैन ।

नेकपामा विवाद देखिनुअघि सहजै रूपमा बालुवाटारभित्र जान दिने गरिएको थियो । विवादका समाचार आउन थालेपछि बालुवाटारमा पत्रकारलाई अपमान गर्न थालिएको पत्रकार गिरीले बताएका छन् ।

नागरिक अनलाइन

लेखकबाट थप

• मंगलवार, मंसिर १६ २०७७०५:४३:४४

• Tags:

  # पत्रकारलाई बालुवाटार प्रवेश राेक # पत्रकार # प्रवेश राेक

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा