बुटवल,मंसिर ७-

रुपन्देहीकाे अन्नपूर्ण एग्रो इण्डष्ट्रिज प्रा.लि दाेश्राेपटक पनि उत्कृष्ट करदाता घोषित भएकाे छ । नेपाल सरकारले ९औं राष्ट्रिय कर दिवसको अवसर पारी उत्कृष्ट करदाता घोषणा गरेको हाे ।  आन्तरिक राजस्व विभागले कर सप्ताहको आज अन्तिम दिन उत्कृष्ट १५ करदाताको नाम घोषणा गरेको छ ।

विभागका अनुसार कृषि एवम् पशुपंक्षी उद्योगमध्ये सबैभन्दा बढी आयकर तिर्ने करदाता अन्नपूर्ण एग्रो इण्डष्ट्रिज प्रालि घोषित भएको हाे । यसअघि पनि आर्थिक वर्ष २०७४/०७५ मा पनि  अन्नपूर्ण एग्रो उत्कृष्ट करदाता भइ सरकारबाट पुरस्कृत भएकाे थियाे । 

आयकरतर्फ आर्थिक वर्ष २०७५/७६ र मूल्य अभिवृद्धि करतर्फ आर्थिक वर्ष २०७६/७७ लाई आधार मानेर सरकारले उत्कृष्टकाे  सूची निकालकाे हाे ।यस वर्ष व्यक्तिगत आयकरतर्फ सबैभन्दा बढी कर तिर्ने उद्योगी विजयकुमार शाह छन् । उनी विभिन्न लिकर कम्पनीका मालिक हुन् ।

विभागका अनुसार आव २०७५/७६ मा सबैभन्दा बढी कर तिर्ने कम्पनी सूर्य नेपाल भएको छ । निर्यातकर्तामध्ये सबैभन्दा बढी आयकर तिर्ने कम्पनी भने डाबर नेपाल प्रालि रहेको छ ।

बढी आयकर तिर्ने विशेष उद्योगका रुपमा हिमाल पावर कम्पनी उत्कृष्ट घोषित भएको छ । पर्यटन व्यवसायमध्ये सबैभन्दा बढी आयकर तिर्ने कम्पनी तारागाउँ रिजेन्सी होटेल्स लिमिटेड छ ।

विप्रेषणको कारोबार गर्ने कम्पनीमध्ये बढी आयकर आइएमई लिमिटेडले तिरेको छ । बैंक तथा वित्तीय संस्थामा बढी आयकर तिरेको नविल बैंक उत्कष्ट ठहर भएको छ ।

नागरिक अनलाइन

लेखकबाट थप

• आइतवार, मंसिर ७ २०७७०७:०६:०७

• Tags:

  # अन्नपूर्ण एग्रो एण्डष्ट्रिज प्रा.लि # उत्कृष्ट करदाता घोषित # उत्कृष्ट करदाता # अन्नपूर्ण एग्रो इण्डष्ट्रिज

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा