बुटवल,जेठ २९ ।

नेपालले एएफसी एसियन कप २०२३ छनोटको तेस्रो चरणअन्तर्गत  समूह ‘ए’ को दोस्रो खेलमा आयोजक कुवेतसँग हार बेहोरेको छ। 

कुवेतस्थित जाबिर अल अहमद मैदानमा शनिबार सम्पन्न खेलमा नेपाल घरेलु टोली कुवेतसँग ४–१ को फराकिलो अन्तरले पराजित भएको हो।

घरेलु टोलीको  जितमा युसुफ नास्सेरले दुई तथा फहद अलरेसिदी र मोवारक अल फानेनीले समान एक गोल गरे। नेपालका लागि दर्शन गुरूङले एक गोल फर्काए। 

खेलको सुरूआतदेखि नै दबावमा खेलेको नेपालले २८औं मिनेटमा गोल खान पुगेको थियो। फहद अलरेसिदीले गोल गर्दै कुवेतलाई सुरूआती अग्रता दिलाए।

४८औं मिनेटमा युसुफ नास्सेरले गोल गर्दै कुवेतको अग्रता दोब्बर पारे। ५७औं मिनेटमा कप्तान नवयुग श्रेष्ठको प्रहार क्रस बारमा लागेर फर्कदा नेपाल अग्रता कम गर्नबाट चुक्यो।

६८औं मिनेटमा युसुफ नास्सेरले व्यक्तिगत दोस्रो तथा टोलीका लागि तेस्रो गोल गरे। ७३औं मिनेटमा मोवारक अल फानेनीले गोल गर्दै कुवेतलाई ४–० को सहज जिततर्फ अगाडी बढाए।

त्यसपछि इन्ज्युरी समयको थप गरिएको पहिलो मिनेटमा दर्शन गुरूङले गोल गर्दै खेललाई ४–१ को स्थितिमा ल्याएपनि हार टार्न सकेन। उनी ३५औं मिनेटमा गौतम श्रेष्ठको स्थानमा मैदान छिरेका थिए।

कुवेतले छनोटमा पहिलो जित निकाल्दा नेपालको यो लगातार दोस्रो हार हो। कुवेतले २ खेलबाट ३ अंक जोडेको छ। नेपालले अंकविहीन छ। यो समूहमा जोर्डन र इन्डोनेसियाको पनि समान ३ अंक नै छ। उनीहरूले नेपाल र कुवेतभन्दा एक खेल कम खेलेका छन्।

छनोट अन्तर्गत नेपालले अन्तिम खेल ३१ जेठमा इन्डोनेसियासँग खेल्नेछ। तेस्रो चरणको छनोटबाट हरेक समूहको शीर्ष टोली एसियन कपमा छनोट हुनेछ। त्यस्तै, उत्कृष्ट ५ दोस्रो हुने टोलीले पनि सन् २०२३ मा चीनमा हुने मुख्य प्रतियोगितामा स्थान बनाउनेछन्।

नागरिक अनलाइन

लेखकबाट थप

• आइतवार, जेठ २९ २०७९०७:३९:४९

• Tags:

  # पराजित # एएफसी एसियन कप २०२३

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान