बुटवल, वैशाख २३ ।

वेस्टर्न मेगा कलेज बुटवल-१५ ले स्नातक तहमा चार वर्षे सूचना प्रविधि विषयको अध्यापन शुरु गर्ने भएको छ । नयाँ पुस्तामा सूचना प्रविधिको महत्व बढ्दै गइरहेको सन्दर्भमा कलेजले चालु शैक्षिक सत्रदेखि ‘ब्याचलर अफ इन्फरमेशन टेक्नोलोजी’ (बीआईटी) कार्यक्रम सञ्चालनमा ल्याएको हो ।

यस कलेजमा विएचएम र एमविए अध्ययन हुदै आइरहेको छ । बुधबार कलेज परिसरमा पत्रकार सम्मेलनको आयोजना गरि प्राचार्य किसु शर्माले प्रविधिमैत्री जनशक्ति उत्पादन गर्ने लक्ष्यसहित बीआईटी कार्यक्रमलाई प्राथमिकताका साथ अघि बढाइएको बताए ।

लिङकन युनिर्भसिटिबाट सम्बद्र्धन प्राप्त भएको यो त्रिभुवन विश्वविद्यालयबाट समकक्षता प्राप्त रहेको छ । सूचना प्रविधि क्षेत्र रोजगारी, उद्यमशीलता तथा विश्वव्यापी अवसरसँग प्रत्यक्ष रूपमा जोडिँदै जादा विद्यार्थीको आकर्षण पनि यसमा बढेको उनको दाबी छ ।

चार वर्षे उक्त कार्यक्रममार्फत विद्यार्थीलाई प्रोग्रामिङ, नेटवर्किङ, डाटाबेस व्यवस्थापन, वेब तथा सफ्टवेयर विकास, साइबर सुरक्षा लगायतका विषयमा सैद्धान्तिक र व्यावहारिक ज्ञान प्रदान गरिने कलेजले जनाएको छ । साथै, उद्योगसँगको सहकार्य, इन्टर्नशिप र परियोजनामूलक सिकाइमार्फत दक्ष जनशक्ति उत्पादनमा जोड दिइनेछ ।

कलेजले नयाँ शैक्षिक सत्र २०८३ मा सामाजिक उत्तरदायित्व र विद्यार्थीहरुको प्रतिभा प्रस्फुटन हुने गरि विविध रचनात्मक कार्यक्रम समेत गर्दैछ । जेठ १५ देखि असार १५ गतेसम्म ३० दिने निःशुल्क होटल व्यवस्थापन कार्यक्रम, साउनमा ३ दिने डब्लुएमसि जेआर मास्टर सेफ २०२६ प्रतियोगिता तथा सुचना प्रविधि शिक्षा सम्बन्धी एक दिने गोष्ठी र डब्लुएमसि हाकाथन कार्यक्रम बारे समेत प्राचार्य शर्माले जानकारी दिए ।

मास्टर सेफ प्रतियोगितामा प्रथम हुनेलाई नगद २५ हजार, द्धितीय हुनेलाई नगद १५ हजारसहित सम्मान पत्र र मेडल प्रदान गरिने उनले बताए । कार्यक्रममा आरम्भ ग्रुप अफ हस्पिटालिटीका अध्यक्ष मेघराज पन्तले आर्थिक भन्दा पनि ब्यवहारिक ज्ञानसहित दक्ष जनशक्ति तैयार गर्न सफल भएको बताए । 

नागरिक अनलाइन

लेखकबाट थप

• बुधवार, बैशाख २३ २०८३१०:३४:०५

• Tags:

  # बीआईटी

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन